Аьрасатнал кьинилул савлугъран «Ватан дуруччулт» фондрал Дагъусттаннал филиалданул каялувчинал хъиривчу Саида Гьитинаева ва ДР-лул цIуллушиву дуруччаврил министрнал хъиривчу Салман АхIмадов бувкIунни республикалул 2-мур азарханалий хъин хъанахъисса аьралитурах буруган.

Миннан дуллунни бахшишру ва «Ттул ппу – виричури» тIисса конкурсрай гьуртту хьусса оьрчIал суратру.
«Жула циняв аьралитал – виртталли. Мунийн бувну, хасъсса операциялий гьуртту хъанахъиминнан ва миннал кулпатирттан жу кумаг буллай буру, кабакьлай буру миннал давурттацIун. Щавурду дирсса ветерантуран фондраву ккаккан дурну дур медициналул, психологиялул ва социал реабилитациялул программа», – кунни Саида Гьитинаевал.
Руслан ХIабибуллаев