Ларгсса итникьини Буйнакский райондалийсса Ялувмур Жангутайлив ва Лувмур Гъазанишлив оьрчIансса цIусса багъру тIивтIунни.

Жангутайлив 60 оьрчIансса багъ тIитIлатIисса шадлугърай гьуртту хьунни Республикалул ХIукуматрал хъунама Аьбдулмуслим Аьбдулмуслимов. Ванал кIицI лавгунни, кIива цIусса багъ ца кьини ца райондалий, хаснува шяраваллил кIанттай тIитIлатIаву социал политика сантирай ва лябуккулий хьхьичIуннай хъанай душиврул барашин дуллалисса иш бушиву.

«ЦIусса багъру ОьрчIру буруччаврил кьинилийн тIайла бацIавугу хIисавравун ласунсса ххуйшивур. Жува хIакьину оьрчIаха аякьалий бушиву вайннал гьунттийсса оьрмулул буруккинттарай бушиврул лишангур, оьрчIаяр хьхьичIунсса ва язисса оьрмулуву цичIар дакъассар», – увкунни ванал.

Гъазанишливсса багъраву 90 оьрчIансса кIану бусса бур. Ялувмур Жангутайливсса оьрчIансса багъ буллай байбивхьуну бур 2023 шинал, «Демография» национал проектрал лагрулий. Багъ буван харж бувну бур 154,6 млн къуруширттал.

Лувмур Гъазанишливсса оьрчIал багъгу 2023 шинал буллай байбивхьуну бур республикалул инвестициярттал программалул лагрулий. Ва буван харж бувну бур 147,6 млн къуруширттал.

ПатIимат Рамазанова