Вай гьантрай ЦIуссалакрал райондалия интнил призыврал кампаниялул лагрулий тIайла бувккунни аьралуннаву къуллугъ буллансса жагьилтал. АрхIал кIия арс аьралуннаву къуллугъ буллан тIайла увккунни ЦIуссалакрал райондалийсса ЦIуссаккуллал (Чаравали) шяравасса Ханпаша ва Зарема АхIмадовхъал.
Вайннал тарбия бувну бур хъунмасса кулпат. ЦIана аьралуннаву къуллугъ бан лавгунни Ватандалул лайкьсса патриотътал, уссурвал РахIман ва РахIим АхIмадовхъул. Чансса хIаллава, хъуни шайхту, хъиривми призыврал кампаниярттай аьралуннаву къуллугъ бан хIадурну бур вайннал мюрщими уссурвалгу.
ДакIнийн бутанну, интнил призыврай аьралуннаву къуллугъ бан ца шинайсса буцлацисса жагьилтал СВО нанисса кIанттурдайн ва Аьрасатнал цIусса регионнайн гьан къабуллалишиву. Аьралуннава зана хьуну махъ вайннахь ихтияр дур цала язи бувгьусса пишардай зунсса.
ЧIа учинну РахIманнун ва РахIимлун тIайлабацIу, аьралуннавусса бигьасса къуллугъ.
Шиккува кIицI лаган, ЦIуссалакрал райондалул 120% ххишалану биттур дурну дур призыврал кампаниялул план.
