[dropcap]В[/dropcap]ай гьантрай оьрмулул 81 шин бартларгунни Ххутрал шяравасса ХIажинал арс МахIаммадов МахIаммадан.
ДакIнихтуну барча тIий буру МахIаммадахь увсса кьини. ЧIа тIий буру цIуллу-цIакьшиву, ххаришивуртту, гьарица шаттираву тIайлабацIу.
ОьрчIалгу, оьрчIал оьрчIалгу ххари уллай итаннав ина бусса оьрмулий.
Дустал, гъан-маччами
Декабрь зурул 5-нний увну ур ххаллилсса лаккучу, АьФ-лул ва ДР-лул лайкь хьусса учитель, РАЕН-далул элмулул лайкь хьусса ишккакку, педагогикалул элмурдал кандидат, профессор, Аьрасатнал лайкь хьусса тренер, ДР-лул кикбоксинграл Федерациялул вице-президент, Сайпуллагьлул арс Амир Амиров.
Ва ур Ххюлуссуннал шяраву хъинну бусравсса агьлу-авладраясса инсан.
Амир Сайпуллаевичлул, чIярусса шиннардий Автоххуллурдал колледжрал директорнал хъиривчуну зий, ккаккан бувссар цала бюхъу ва гьунар, лайкь дурссар хIукуматрал чулухасса наградартту, студентътурал чулухасса хIурмат.
ХIакьинусса кьинигу ва, жаваблувсса даврийгу зий, архIала дачин дурну ур оьрчIащалсса спортрал давугу.
ХIурмат бусса Амир! ЧIа тIий буру вин цIуллушиву, ужагърай нахIушиву. Вила наслулул ххари уллай личIаннав бусса оьрмулий!
Уттиния тихуннай дуллалимургу лажин кIялану биттур дансса каши-кьудрат дулуннав вихьхьун.
Ххюлуссуннал жямат
Барачатну бугьаннав!
Жула «Илчилул» хьхьичIунсса дус, кказитрал редколлегиялулгу член, Рамазаннул арс Шалласу Шалласуевлухь дакIнихтуну барча тIий буру цIуну тапшур бувсса къуллугъ – ва ивтунни МахIачкъала шагьрулул мэрнал хъунама кумагчину.
Жул щак бакъар, ттинин дурцири давуртту кунна, ва къуллугърайсса мурадгу Шалласу Рамазановичлул лайкьну бартбигьинтIишиврийн. Барачатну бугьаннав!
«Илчилул» редакция
