Вай гьантрай Ккуллал райондалул администрациялул къатраву хьунни райондалул бакIчинал хъиривчу Анатолий Давдиевлул каялувшиндаралусса совещание.

Шикку гьуртту хьунни райондалул идарарттал каялувчитал, шяраваллал бакIчитал. Райондалул бакIчинал хъиривчу Юсуп Исякьовлул бунни бучIавурттал хIасиллая бусласисса ихтилат. Лавайсса кьимат бивщунни ванал бувчIавурттал комиссиялул даврин ва кIицI лавгунни райондалул жяматрал бувчIавурттавух чялишсса гьурттушинна дуршиву.

Райондалул культуралул, кIулшиву дулаврил идарарттал каялувчитурайн тапшур бунни ведомствалул биялдарайсса идарарттал мюхчаншиву дуруччаврил паспортру низамрайн буцаву.
Мукунма, ванал бувсунни ккаккан дурсса чIумувун бивсса дуклаки оьрчIал «Пушкинская карта» тIалав дан аьркиншиву.
Совещаниялий ххал бивгьунни райондалул социал-экономикалул масъаларттугу.