Кьуръан хъанахъиссар аьрщарай яла бюхттулмур ва ккалаккимур лу. Ганий буссар аьщуйн щусса ишру ва элмийсса ахттаршиннарду. Кьуръан ккалаккийни, Каши ххисса Заннаясса нигьгу дагьай къюкIливун, имангу цIакь шай. Кьуръан жува махIаттал буллалисса караматшивур.
Ялавай кIицI лавгун буссар Кьуръандалий жавабру дусса цаппарасса суаллу.

– Ссавния ливксса цуми луттирдая бувсун буссар Кьуръандалий?
– Таврат, Забур, Инжил, Ибрагьим ва Муса идавстурал кюрщант.
– Цими сура буссар Кьуръандалий?
– 114 сура.
– Цумари цинявппагу идавстурал рувхIанийсса щайх?
– НухI Идавс.
– Цими аят дуссар Кьуръандалий?
– 6236.
– Цими махъ буссар муний?
– 77439.
– Цими хIарп дуссар Кьуръандалий?
– 323015.
– Цумур суралул уручлачиссар инсан Даджаллул оьшивруща?
– «Аль-Кахф» суралул.
– Цимил кIицI дурну дуссар Кьуръандалий МухIаммад Идавсил(с. аь.с.) цIа?
– Мукьийлла.
– Цумур сурари яла ла­хъимур?
– Сура «аль-Бакьара».
– Цумур махъри яла ла­хъимур?
– Анулзимукумаха (сура «Худ», аят 28).
– Кьуръандалий яла чIявуну тикрал хъанахъимур цир?
– Аллагьнал цIа – 2640-лийлла.
– Цумурди Кьуръандалий яла лахъимур аят?
– 282-мур аят, «Дин».
– Цумурди яла кутIамур сура?
– Сура «аль-Кавсар», ганий дуссар шанна аят.
– Цумур суралий дуссар Аллагьнал цIа гьарца аятрай кIицI лаглай?
– «Аль-Мужадалат» суралий.
– Цумурди Идавсийн цалчин ливкмур сура?
– Сура «аль-Аьлакь».
– Цумурди яла бюхттулмур сура?
– Сура «аль-ФатихIа».
– Цумур суралия ли­хъайссар жин, му шаппа ккаларча?
– «Аль-Бакьара» суралия.
– Цумур сура хъанахъи­ссар Кьуръандалул бакI­ну?
– Сура «аль-Бакьара».
– Цумурди аятирттаву яла лайкьмур?
– Аят «аль-Курси» — «аль-Бакьара» суралул 255-мур аят.
– Цумур сура къуртал хъанахъиссар кIия Идавснал цIардайну?
– Сура «аль-Аля».
– Цу хъанахъиссар Кьуръан лахьхьин буллалиминнал щайхну?
– Ибн Жарир Табари.
– Цимил кIицI лавгун бу­ссар Кьуръандалий Таврат ва Инжил?
– Таврат – 19-лва, Инжил — 12-лва.
– Цуми лелуххантрая бувсун буссар Кьуръандалий?
– ХъатIу (сура «аль-Маида», 31-мур аят), духъажари (сура «ан-Намль», 20-мур аят), ххюнчIа (сура «аль-Бакьара», 57-мур аят).
– Цими бутIа буссар Кьуръандалий?
– 30.
– Цими сура ливкссар Маккалий?
– 85.
– Цими сура ливкссар Мадиналий?
– 29.
– Цими кIунтI бу­ссар Кьуръандалийсса хIар­пирдал ялув?
– 1025030.
– Цумур сура хъанахъи­ссар Кьуръандалул ххярагьалану?
– Сура «аль-Залзалат».
– Цимил кIицI ларгун ду­ссар Кьуръандалий ва дуниял ва Абадул дуниял?
– КIирагу дуниял кIицI ларгун дуссар 115-лла.
– Цимил кIицI лавгун бу­ссар Кьуръандалий Алжан?
– 137-лла.
– Цумур сура таржума байссар «Малаик» тIисса мяъналий?
– Сура «Фатир».
– Цумур сура байбихьлахьиссар Аллагьнал цIания?
– Сура «ар-РахIман».
– Цуми сурардан дуссар идавстурал цIарду?
– «Юнус», «Худ», «Юсуф», «Ибрагьим», «НухI» ва «Му­хIаммад».