Ккуллал райондалийн даврил аьрххилий увкIунни Дагъусттаннал Юстициялул министерствалул «Государственное юридическое бюро» ГКУ РД-лул директор Макьсуд МахIаммадов.

Ванал аьрххилул мурад бия зунттал райондалул щархъавусса инсантуран украсса юридий консультация даву.
Аьрххилул лагрулий Макьсуд МахIаммадов хьунаавкьунни райондалул администрациялул каялувчитуращал, шиккува ххал бивгьунни агьалинал ихтиярду дуруччаврил даража гьаз баву мурадрайсса масъалартту. Агьалинан дунни украсса юридий консультация.
Инсантурал гьаз бувсса чIявуми масъалартту бия социал кумаграл, хъуслил ва аьрщарал бястлил, хасъсса аьралий операциялул гьурттучитуран ва миннал кулпатирттан дагьайсса хIаллихшиннардал хIакъиравусса.
Хьунабакьаврил хIасиллу дуллай Макьсуд МахIаммадовлул кIицI лавгунни укунсса хьунабакьавурттайну паччахIлугърал бюроран аьлтту хъанай душиву агьалинал ихтиярдал тIалавшиннарду. Бувсунни вайннул хIакъираву юридий консультация дан ва шайсса куццуй чIарав бацIан хIадурну бушиву.

Имара Саидова