Апрель зурул 18-нний МахIачкъалалив Дагъусттаннал Муфтиятрал республикалул СМИ-лул каялувчитурайн ва вакилтурайн оьвкуну бия ифтарданийн.
Муфтинал кумагчи МухIаммадрасул Саадуевлул кIицI лавгуна Муфтиятрал ва СМИ-лул давриву цалавхьхьусса кIантту бушиву.
– Жу хIарачат буллай буру агьалинал кIулшиву ххишала хьун дан, рувхIанийсса мяърипатрай къуццу тIун лахьхьин буван. Мукунма журналистътуралгу агьалинан чIявусса затру лахьхьин буллалиссар, ссаву ци бурив бувчIин буллалиссар. Мунияту Муфтиятрал мудангу къулагъас дуссар СМИ-лул зузалтрах, – увкунни ванал.
Дагъусттаннал информациялул ва печатьрал агентствалул каялувчи Аьбдуразакь Жамалуттиновлулгу цала ихтилатраву чIурчIав дурунни гихунмайгу уртакьну зунтIишиврий.
