Февральданул 24-нний Хъусращиял школалий тIиртIунни Ватан дуруччайманал шин. Аьрасатнал президент Владимир Путиннул хIукмулийн бувну, 2025-ку шин жула билаятрай баян бувссар Ватан дуруччайманал шинну.

Хъуннасса дур Буттал кIанттул цIанийсса Хъун дяъвилий бюхттулсса Ххувшаву ларсун 80 шинал юбилей кIицI лаглагисса шин Ватан дуруччайманал шинну баян баврил агьамшиву.
Ва шин хъанахъиссар ватан ххирашиврул ва Аьрасатнал агьалинал цашиврул лишанну, личIи-личIисса чIуннардий ватан дуручлай бивкIминнал аьпа дакIнин бутлатисса ва хIакьину хасъсса аьралий операциялий ватандалул мурадру буруччаврил ххуллий талатиминнал хIурмат буручлачисса шинну.
Мероприятие дайдирхьунни Аьрасатнал Гимн дуцаврийну, хасъсса аьралий операциялий чувшиврий жанну дуллуминнал аьпалул улттуцI тIутIив дишаврийну ва ми дакIнин бичаврия.
Мероприятиялий гьуртту хьунни 2013-ку шинал школа къуртал бувсса Гъапуров Карин ХIажикариннул арс, цувгу хасъсса аьралий операциялия игьалаган увкIсса ва ванал аьралий гьалмахчу, аьсатIин миллатрал оьрчI Царукян Алан Асхарбекович.
Видеосвязьрай мероприятиялий гьурттушинна дунни хIакьину хасъсса аьралий операциялийсса Назим Оьмаевлул, Замир Рамазановлул, Ибрагьим Сиражуттиновлул ва Исмяил Тахакьаевлул.
Мероприятиялий ккаккан дунни хасъсса аьралий операциялий ватандалул ххуллий чувшиврий жанну дуллусса шяравучутураясса видеороликру. Дуклаки оьрчIал дурккунни СВО-лул вирттавран хас дурсса назмурду.
Зулайхат Тахакьаева