Дагъусттаннал вице-премьер Муслим Телякавовлул каялувшиннаралу хьунни Буттал кIанттул цIанийсса Хъунмасса дяъвилий ххувшаву ларсун 81 шин шаврин хас дурсса мероприятиярттал хIакъиравусса совещание.

Шикку гьуртту хьунни республикалул исполнительный властьрал органнал каялувчитал, ихтиярду дуруччай органнал ва Каспийская флотилиялул вакилтал.
Совещаниялий ххал бивгьунни шадлугърал мероприятияртту дуллалийни мюхчаншиву дуруччаврил масъала. МахIачкъалалив Ххувшаврил кьинилун хас дурсса мероприятияртту дайдишин тIий дур кIюрххил Ленинннул Комсомолданул паркравусса аьралийчунал гьайкалдануцI ва ­аьралийтурал хIатталлив тIутIив дишаврия. Ссят 10.00 хьусса чIумал Каспийскаллал майданнив хьунтIиссар аьралий парад. Агьамми мероприятияртту дикIантIиссар ссят 14.00 хьусса чIумал МахIачкъалалив, Лениннул майданнив. Шикку хьунтIиссар Ххувшаврил кьинилун хас бувсса шадлугърал мажлис. Мунияр махъ – «БивкIу бакъасса полк» акция. Шадлугърал мероприятияртту къуртал хьунтIиссар «С песней к Победе» тIисса, Дагъусттаннал филармониялул Гъинтнил эстрадалий ссят 19.30 хьусса чIумал дайдишинтIисса концертрайну ва салютру итадакьаврийну.

Андриана Аьбдуллаева