ЦIусса шин хьунадакьлакьисса шадлугъру кIицI ларгунни Ккуллал райондалийгу. ЧIюлу бувсса елкалул лагма лавгсса оьрчIан хIадур дурну дия Дякъил Ттатта ва Марххаладуш хIаласса тяхъасса концертрал программа.
ЦIусса шинащал жямат барча бунни Ккуллал райондалул администрациялул бакIчи Шамил Рамазановлул.
Шиккува бусан, Шамил Рамазанов ва Райондалул мажлисрал председатель Гъази Оьмаров гьуртту хьунни «Елка желаний» тIисса щалагу Аьрасатнавусса оьрчIру ххари буван дуллалисса акциялувух.
Елкалийн лавхъун бия оьрчIал хияллу бартлаган бансса конвертру. Акциялул лагрулий ххари бунни цикссагу оьрчIру.
Мукунна школардай хьунни, «Подарок детям» тIисса хасъсса аьралий операциялул гьурттучитурал оьрчIан бахшишру дуллалисса цаймигу акцияртту.
Имара Саидова
