Июльданул 21-нний Ккуллал райондалул администрациялул къатраву хьунни райондалул Депутатътурал Мажлисрал ­сессия.

Шикку кIицI ларгунни райондалул администрациялул структуралуву ва муниципал бюджетраву хьусса дахханашивуртту. Депутатътурал, шяраваллал бакIчитурал, идарарттал каялувчитурал буллусса суаллахьун балжисса жавабру дуллунни ва миннул хIакъиравусса маслихIатру ккавккунни Ккуллал райондалул бакIчи Ажуб ХIусмановлул.

Вара кьини ХIусмановлул каялувшиндаралу хьунни райондалул идарарттал ва шяраваллал бакIчитуращалсса совещаниягу.
Ажуб ХIусмановлул цIухху-бусу бунни тIабиаьтрал биян бувсса зараллу бухлаган баврицIунсса давурттал ялув.
Райондалул щархъаву вай давуртту уттигу найнна душиву кIицI лавгунни шяраваллал администрациярттал хъуниминнал. Ччясса мутталий тагьар къулай дансса ва апатIру бухлаган баврицIун дархIусса давуртту дузрайн дуккан даву тIалав бунни райондалул хъунаманал.
Совещаниялий ялагу ххал бивгьунни цаймигу масъалартту.

Имара Саидова