[dropcap]У[/dropcap]ттигъанну хьусса Ккуллал райондалул мажлисрал депутатътурал сессиялий цаппара шяраваллавусса,
райондалул сияхIрайсса хъус шяраваллал администрациярттал сияхIрайн ласунсса хIукму бувунни.
[dropcap]В[/dropcap]ихьуллал шяравун бухлахисса ххуллул чIарав буссия ччянива бувсса хIаммам. КIа бувния махъ ларгуна арулла-мяйра шин. Учала бурхха, залуннан хъуснияр хъуслин заллу аьркинссар, тIисса. Мунияту райондалул харжирах бувну бивкIсса хIаммам утти буллунни Вихьуллал шяраваллил администрациялухьхьун, яни балансрайн.
[dropcap]М[/dropcap]унийн бувну март зурул ахирданий, Вихьуллал шяраваллил каялувчи Сулайманов СайкIу бакIчину, бавтIун, шяраваллил жагьилтурал кIанил лагма дацIан дурунни чапар. Сулайманов СайкIу, цала оьрмулул шиннах къаурувгун, шяраваллил хъус дяйкьин къаритан ялув авцIусса жагьил ур. Ванияр гихунмайгу умуд бур ванал жяматрал буруккинтту мудангу щаллу булланссар тIисса.
