ЦIуссалакрал райондалул ДЮСШ-рал тренер-преподаватель Рашид Шихабуттиновлул хIадур уллай ивкIсса жагьилсса вратарь Аьбдуллаев ХIажи лайкь хьуну ур СКФО-лул футболданул чарвитул призран.
Шиккува бусан, ХIажи уссия Дагъусттаннал футболданул цачIундур командалул вратарьну. ЛичIи-личIисса турнирдай ва цимилгу лайкь хьуссия яла хьхьичIунма вратарьнал цIанин. ХIажи ур хъинну хIарачат бусса, цала хьхьичI бивхьусса мурад барткъабивгьуну игьакъалагайсса, эбратрансса жагьил.
АцIаву дакъа дуллайннасса тренировкарттал, муданнасса футболданул турнирдал хIасиллу ХIажинал шиннардил лажиндарай бакIуйн буккан бувсса захIматри. ХIакьину ванал цIа дур цIанихсса футболистътурал сияхIраву.
ДакI дарцIуну буру ХIажинал оьрмулуву ва спортраву хьхьичIунсса ккаккияртту уттигу цикссагу хьун даншиврий.
