Февральданул 6-нний МахIачкъалалив хьунни грэпплинграл профессионал лигалул цалчинмур турнир.
Турнирданул биюлтрал ва хъамаллурал хьхьичI махъ лавхъунни «Универсал Фигтерс» клубрал вице-президент Шамил АьбдулхIажиевлул, «Грэпплинг Про Лига» клубрал президент, грэпплинграл дунияллул шамила чемпион Шамил МахIаммадовлул.
Турнирданий хьунни личIи-личIисса даражардал 5 бияву.
Яла хьхьичIунманал цIанийсса бяст-чаллу хьунни Ризван Ризвановлул ва Рожерио Алвеслул, Кьурбан ХIажиевлул ва МахIаммадхIажи Сиражуттиновлул, Рамазан Шихшабековлул ва Макьашарип Ибрагьимовлул, ТIалхIат Хункерхановлул ва Исмяил Кьадиевлул дянив. Ва ялагу бяст-ччаллу хьунни мукунма чIава спортсментурал дянивгу.
Миннавату ххув хьунни Ризван Ризванов, Кьурбан ХIажиев, Рамазан Шихшабеков, ТIалхIат Хункерханов, Руслан Багомедов.
Ххув хьуминнан дуллунни хIурматрал грамотартту, медаллу ва цаймигу бахшишру.
