Ми бивунни Кульзебуллал шяраву цIуну бувсса 60 кIану бусса оьрчIал багъравун. Яла Сергей Меликовлул Комсомольское шяраву ххал бивгьунни цIуну буллалисса 80 кIану бусса оьрчIал багъ. Му буллай байбивхьуну бур 2021 шинал мартрай, къуртал бантIий бур пландалий ккаккан дурсса чIумуй.
Муния махъ Сергей Меликов ивунни Комсомолское шяравусса консерварттал заводрайн. ЗАО «Эркелъи» бувну бур 2002 шинал. Заводрал директор ХIажимурад ХIажиевлул тIимунийну, шикку дуккан дайсса диркIун дур шинал мутталий 3 миллион банкардал.
2011 шинал завод бавцIуну бур, миккусса кьай-кьуй даххана дуван, цIусса ласун къабюхълай тIий. ХIажиевлул тавакъю бунни завод цIубуккан буван кумаг бара тIий.
Заводрал каялувчинахь бувсунни хIадур дуван аьркинну душиву бизнес-проект, яла ва шинал ахирданийнин му документ биян буван профилсса идаралийн, ххал бигьиншиврул.
Гара кьини Сергей Меликов увкIунни Нечаевкаллал шяравусса «Томат-Агро- Чар» тIисса компаниялул теплицалийн. Му компаниялул гендиректор ХхирамахIаммад Аьбдулмажидовлул тIимунийну, компания сакин дурну дур 2016 шинал, мунил хъунмур давуну хъанай дур агропромышленностьрал комплексраву инвестициярттал проектру бартдигьаву.
Ва теплицарттал комплекс дузал бувну бур ттизаманнул аьркинлугърай, ахънилсса ххяххан дуллай бур Израильнал технологиялий. Проектрал багьа бур 800 млн къурушрал, шинай ласайсса дур азарда тонна бакIлахъиялул. Гьар шинах бюджетравун дучIан дайсса дур 3 миллиондалияр ххишаласса арцу.
Республикалул хъунама ивунни Къизилюртуллал райондалийн
![](https://ilchi.info/wp-content/uploads/sites/11/sites/11/2021/09/4_result.jpg)