Апрельданул 4-нний бувну бур Сиражуттиннул душ Маммаева (Илиясова) Динара.

Сиражуттин ва Мариян Илиясовхъул къакIулсса лакравугу, республикалийгу нажагьссавагу бакъахьунссар.

Дунияллий буссаксса гьарцагу ишираву миллатрал чIарав буссия. Миллатрахсса ччаву вайннал цала оьрчIавугу тарбия дурну дур. Ниттил гьану бивзсса, утти мунил цIанийсса «Дараччи» ихIсандалул фондрал давриву чялишну гьуртту хъанахъисса Динарагу хIакьину Гьарца ишираву бавкьусса Динара циняв лакрал иширттавух буссар, кумаг аьркинний чIарав буссар.

Гьарица шинах Динаралгу, ванил уссурвавралгу ххуйсса кумаг байссар «Илчи» кказитрал ва лакку мазрай буклакисса журналлал подписка дан, вай мудан буссар лакрал радиолул, театрданул чIарав.

ДакI хъинсса, аьмал-хIал бавкьусса, чумартшиврул бутIа буллусса Динара ххирар «Дараччилул» ккурандалувуминнангу, лагма-ялттунангу.
ХIурмат бусса Динара Сиражуттиновнай! ДакIнийхтуну барча тIий буру вихь оьрмулул
юбилей. ЦIуллушиву дулуннав, ххаришивуртту-хъиншивуртту чIяру даннав, тачIав ссалчIав буруккин къабагьаннав.

Аьзизсса ласнащал Сулайманнущал оьрчIал, оьрчIал оьрчIал ххари буллай, бивзний ша бакьлай, увкуний махъ бацIлай, тIиртIунийн ка диллай битаннав.

«Илчи» кказитрал коллектив