![](http://ilchi.beget.tech/wp-content/uploads/2019/03/IMG_5917.jpg)
ГьунчIукьатIрал АхIмадихъал ХIамидлул арс Анвардул 85 шин шаву барча дуллай буру. Увссар Анвар ГьунчIукьатIрал шяраву 1934 шинал. АхIмадихъал агьлу ччарча усттаршивруву, ччарча дуккавриву шяраву хьхьичI ххуттайсса агьлу бивкIссар.
Анваргу цала чIунархIал оьрчIаву дуккавриву хьхьичIун ливчусса ия. 1951 шинал Гъумучиял дянивмур даражалул школагу арцул медальданий къуртал бувну, гара шинал увхссар Москавлив Бауманнул цIанийсса СССР-даний ца яла лаваймур техникийсса училищалувун, хьхьичIунсса ккаккиярттай му къурталгу бувссар.
[dropcap]В[/dropcap]анал дипломрал даврил теманугу «Старт» тIисса рентгеннал аппаратру баву хьуссар. Анвардул пагьму-гьунар чIалай, шанттуршлийсса зузала усса лабораториялул хъунама лаборантну ивтссар ва микку зий чIярусса шинну хьуссар. 1980-ку шинал Анвардул дурурччуссар кандидатнал диссертация.
Анвар аьмалданул хъинну авкьусса, инсаннан кумаг буван чялишсса зунттал чув ур. Ванал ппугу щарнил жяматрал дянив хъунмасса хIурмат бусса уздансса тухумрал адамина ия. Анваргу мяйжаннугусса буттал ххуллийх нанисса арс ур. Ванал давурттая чичларчан, чIявусса чичлан аьркинни.
ХIурмат лавайсса жул дус, Анвар! Жу цинявппагу, вил хIурмат бусса дустал ва ина кIулми, дакIнийхтуну ина барча уллай буру. ЧIа тIий буру вин уттиния тихунмайгу цIуллусса оьрму, вила буттал билаятрайн, лакрал зунттавун увкIун, вила къатрал ларзулату ща лихханнин кIай барзунттах уруглан. Яхъанахъу, Анвар, анаваргу къаувккун!
Цинявппагу ина тIиминнал цIанияту вил дус
Амин Аьбдуллаев