ЦIуссалакрал райондалул Культуралул центрданий тIиртIунни «Гьунардал дуниял»(«Мир талантов») цIанилусса суратру дихьултрал-любительтурал занази выставка.
Выставка хьунни «Культура» нацпроектрал лагрулий. Ванил сакиншинначитал хьунни фонд «Культурное наследие», АьФ-лул ва ДР-лул Культуралул министерствартту.
А. Аьбдуллаева
Цала-цала гьунарду аьч бан ччисса 20 художник гьуртту хьунни выставкалий. Ккаккиялун дирхьуну дия тIабиаьтрал ва инсантурал суратру, натюрмортру – аьмну 40 сурат.
Выставка тIитIлай, ихтилат бунни ЦIуссаккуллал шяраваллил библиотекарь Жамиля ХIажимурадовал:
— Цанма асар хьумур аьч буллалисса ттизаманнул художник-любительтурал суратру мяйжаннугу дакIнихтуну дирхьусса дур, мунияту ччимур оьрмулул ва даражалул тамашачинан дурчIлачIисса дур, — увкунни Ж. Буттаевал.
Выставкалий тамаша бан бувкIун бия Центрданул художествалул самодеятельностьрал коллектив, культуралул зузалт, дуклаки оьрчIру, райондалул жямат. Хъамаллуран ва тамашачитуран ххаллилсса балайрду увкунни Центрданул зузалт Аьйша Жабраиловал ва Написат Аьлисултановал.
Хъиривмур выставка тIитIин тIий дур Къайтагъуллал райондалий. Лакьин тIий дур шадлугърал даражалий МахIачкъалалив сентябрьданул 19-нний «Жагьилтурал культура» цIанилусса регионнал дянивсса этнофорумрал майданнив.
