Газрал дузал баврил (догазификациялул) масъаларттал къайгъулий бур цIанасса ппурттуву догазификациялул программалувух гьуртту хьун ччисса чIявусса дагъусттанлувтал. Амма 2021-ку шинал августрая махъ, яни догазификациялул программа щуруй дайдирхьуния шиннай, му масъалалул хIакъираву балжисса жавабру аьч дурну дакъар.

Газрал турба къатрал дазу­чIан биян баврихлу щинчIав багьа къабулайссар. Багьа булун аьркинссар къатрал хIаятравату къатлувун буцаврихлу. Газрал котелгу залуннан цанма багьлух ласун аьркинссар.
Микку буссар укунсса зат. Доход чанну дучIайсса инсантуран кумаг бантIий бур хIукуматрал. ДР-лул ЗахIматрал ва социал иширттал министерствалул прессалул къуллугърал бусаврийну, министерствалул зузалтрал ххал бувну бур догазификациялул программалувун дагьсса къатри. Дурну дур хIаллихшинна думиннал сияхI, микку дурну дур тIайла бацIан бавуртту. Къатрал заллухъруннал доходрал хIал кIул бувну махъ, сияхIрай бивтун бур закондалийну кумагран ихтияр думи. Ми бур Хъун дяъвилул гьурттучитал ва ветерантал, Хъун дяъвилий гьуртту хьуминнал ва ливтIуминнал щахъами, дяъвилул къинттуллух захIмат буллай бивкIми инвалидтал ва инвалидсса оьрчIру бусса ва кулпатру, мукунма ичIаллил ахIвал кIюласса инсантал ва цивппалу ялапар хъанахъисса пенсионертал. Мукунсса инсантал бу­сса 1098 къатта сияхIрайн лавсун бур.
Къатри газрал дузал баврил ххуллий инсантуран социал кумаг баву мурадрай, аьркинну бур миннан арцуйну кумаг баврил масъала бартбигьин. Му масъалалулсса буллай бур ДР-лул ЗахIматрал ва социал иширттал министерство. Къатравун газ буцлациминнан социал кумагран личIи дантIий дур, 60 азарунния тIайла хьуну, 200 азаруннийн диянцIасса къурушру. ЦIанасса чIумал зий бур миннуха.
Къатравун газ буцин бюхълай бур так ичIаллил аьркиншиврун, амма коммерциялул ххуллийсса иширттан газ буцин, ишла буллан ихтияр дакъар.
Газ ичIунмай буцаврил хIа­­­къиравусса заявка дулун бу­чIиссар Госуслугарттал порталданийн, МФЦ-лийн, ягу заявка чирчуманал газораспределитель идаралул личный кабинетравун.
ЗаявкалуцIун булун аьркин­ссар укунсс