Августрал 4-нний МахIач­къалаллал «Динамо» командалун мяркьу хьунни, Нижний Новгородуллал «Пари НН» командалущал ччалли дурккун ичIувасса тIуркIулуву.
Муттаэнал жулла командалул къапулувун гол бавкьуна пенальтилия тамансса чIун ларгун махъ (ххал буллай бия пенальти ккаккан бан бурив ягу бакъарив). Амма муния махъ судья Ян Бобровскийл ккаккан къабувна муттаэтурал командалул къапулувун цаппара багьавайсса пенальтирду цалчинмур таймрай.
Мигу къагьану, судьянал тIуркIулул 60-мур минутIраву жулла команда ца тIуркIучинал чан личIан дурна, командалул капитан МутIалиб Аьлибагов укьан увну.
Августрал 1-нний МахIач­къалаллал «Динамо» ххув хьунни Самардал «Крылья Советов» командалияр Аьрасатнал Кубокрал ичIувасса тIуркIулуву.
Жулла командалул тIуркIучи Абакар ХIажиевлул 83-мур минутIраву бавкьуна ца гол.