Ларгсса ххуллункьини Лакку билаятрай хьунни Лакрал район сакин хьуну 90 шинал савлугъран хас дурсса хъуннасса шадлугъ.

Бусравсса хъамал – Лакрал аьрщарай

Райондалул кьини хъун дан билаятрал гьарца чулуха бувкIун бия ватанлувтал, бусравсса хъамалгу: Совет Союзрал Виричу Муса Маннаров, Аьрасатнал Конституцион судрал судья ХIадис ХIажиев, Аьрасатнал ПаччахIлугърал Думалул депутат Аьвдулмажид МахIарамов, Дагъусттан Республикалул премьер Артем Здунов, цалчинма вице-премьер ХIажимахIаммад ХIусайнов, виваллил иширттал министр Аьвдурашид МахIаммадов, культуралул министр Зарема Бу­ттаева, жагьилтурал иширттал министр Камил Саидов, цIуллу-сагъшиву дуруччаврил министр Жамалуттин ХIажиибрагьимов, ДР-лул Халкьуннал Мажлисрал депутат ЖахIпар Абуев, Дагъусттаннал паччахIлугърал медициналул университетрал ректор Сулайман Маммаев, Дагъусттаннал Хъунисриннал советрал хъунаманал хъиривчу Сиражуттин Илиясов ва чIявусса цаймигу, райондалулгу, щала миллатралгу иширттаву хьхьичIунсса гьурттушинна дуллалисса чиваркI.