1999 шинал Дагъусттаннай хьусса дяъвилул ишру хьуссар региондалул ва Аьрасатнал тарихраву хьусса агьамсса иширттавасса цану. Дунияллул халкьуннал дянивсса бандитътурал кьюкьри духлаган даврин хасъсса операциялул асар биян бувссар кIанттул агьалинайн бакъасса, дунияллул халкьуннал политикалийнгу, террорчишиврущалсса талатавриву Аьра­сатнал бугьлагьисса кIану цIакь бувну.

1999 шинал августрай байбивхьуна дяъвилул ишру. КIанттул инсанталгу хIала-гьурттусса чил билаятирттал боевиктурая сакин хьусса радикалсса сакиншиннардал хIарачат бувна канихьхьун ласун Дагъусттаннал шяраваллу, тикку цала каялувшиву дуллалаву мурадрай. МиннацIун кабакьу буллай бия Чачаннавасса радикал кьюкьралгу.
НигьачIаву ялун диян най душиву кIул хьуну, Аьрасатнал каялувчитурал бандитътурал кьюкьращал байбивхьуна хъунмасса дяъвилул операция.
1999 шинал августрал 9-нний федерал гужирдал байбивхьуна чялишсса дяъвилул ишру, микку гьуртту хьуна аьрал ва хасъсса подразделенияртту. Операциялуву ишла буллай бия ттизаманнул дяъвилул иширттаву ишла дайсса методру ва ярагъ.
1999 шинал ахирданийннин бандитътурал кьюкьрал хъуними гужру ххит буккан бувну бия, миннал чIявуми бакIчитал бухлаган бувну бия, цаппарасса ясир бувну бия. Операциялул ахирданий чIяруми шяраваллу марцI дурну дия къачагътурал кьюкьрацIа, мунийну региондалий тагьар тамансса ххуй-хъин хьуну дия.
Амма ми махъсса иширттал хъирив 1999 шинал октябрьданий байбивхьуна кIилчинмур Чачаннал дяъви. Мунил тамансса зараллу биян бувна Ухссавнил Ккавкказуллал региондалийн.
1999 шинал Дагъусттаннай хьусса иширттал хъунмаса опыт хьун бувссар Аьрасатнал дунияллул халкьуннал террорчитуращалсса ва закондалий дакъасса ярагъуннищалсса сакиншиннардащал талатаву дачин давриву.
ХI. Аьдилов