ЦIуссалакрал райондалийсса «Память гор» тIисса Регионал организациялул кIанттул отделениялул председательну ивтунни хасъсса аьралий операциялул гьурттучи Мирзахан Аьлиев.
Ва увну ур 1971-ку шинал Гумбетуллал райондалийсса Цунди-Шабдух тIисса шяраву. Хъуна хьуну ур ЦIуссалакрал райондалий Гьамиящиял шяраву.
1999-ку шинал сентябрь зуруй, райондалийн боевиктал ххяххан бюхъайссар тIий, военкоматрай комендантская рота сакин дуллалисса чIумал, контрактгу чирчуну, ЦIуссалакрал райондалул, Дагъусттаннал, Аьрасатнал цашиву дуруччин кьянкьану авцIуну ивкIссар Мирзахан.
2006-ку шиная шихунай ва аьралий къуллугърай уссар. 2023-ку шинал хасъсса аьралий операциялий гьуртту хьун лавгссар. Лайкь хьуссар Аьрасатнал Обороналул министерствалул чулухасса личIи-личIисса наградарттан. Уттигъанну ванан дуллунни «За отвагу» медаль.
