Къизлардай Первомайская кIичIиравусса чIявуквартирарду бусса 7-9 ва 11 къатрал магъив цIу дуккан дуллалисса давуртту къуртал хьунни. Давуртту дунни «Нефтекумское предприятие промышленного строительства» ООО-лул бригадардал.

Шикку ялапар хъанахъиминнал кIицI лавгуна магъив дакьин даврийну къатрал чIалачIингу ххуй хьушиву. Дагъусттаннал капитальный фондрал каялувчи МахIаммад Аьлиевлул барчаллагь увкуна ва проект дузрайн буккан бавриву гьуртту хьуминнахь, кIицI лавгуна капитальный ремонт даврийну шагьрулул ялапаршиннарал фондран ххуйсса кумаг хъанахъишиву, мунийну шагьрулул агьалинан бигьа-рахIатсса шартIру дузал дуллалишиву.
Первомайская кIичIиравусса дакьин дурсса къатраву ялапар хъанахъиминнаща утти гъараллу ларчIувкун кIукI къадукканшиврий, хъуслин зарал къахьуншиврий дакI дарцIуну бикIан бюхъайссар. Ванал бувсуна капитальный ремонтрал программалий дуллалисса циняр давуртту лавайсса даражалул подрядчиктурал дуллалишиву ва миннал ххюра шинайсса гарантия дуллай бушиву.
Гьашину капитальный ремонтрал цалчинмур ятапрал лагрулий Къизлардай давуртту дан тIий дур ряхрайра къатраву, кIилчинмур ятапрай – мукьрайра къатраву. КIирайра къатраву, магъив дакьин даврицIун, даххана дан тIий бур гъилишиву ва электричество дулайсса системарттугу.
Андриана Аьбдуллаева