Жулла республикалул шагьрурдай ва районнай зун бивкIунни Каялувшиндарал муниципал центрдугу (МЦУ – Муниципальные центры управления). Тти вайннул щаллу дуллантIиссар Региондалий каялувшиву даврил центрданул (ЦУР – Центр управления регионом) дуллалисса даву, так – кIантту-кIанттурдайра, районнал центрдай ва личIину лавсъсса шагьрурдай.
КIивайвагу Центрду зузиссар республикалул агьалинал чулухасса аьрзврдал хъирив лаяврил, миннуй кIицI лавгсса масъалартту ччясса мутталий щаллу шаврил ялув. Проект аьмну тIайла дурну дур исполнитель властьрал ва агьалинал дянивсса уртакьшиву цIакь даврийн.
Жулла республикалий уттинин тIивтIуну бур 55 МЦУ. ХьхьичIва-хьхьичIми МЦУ тIивтIуну бур Дарбантуллал, Къизилюртуллал, ЦIуссалакрал районнай ва МахIачкъала, Хасавюрт, Избербаш шагьрурдай.
ЦУР-данул каялувчи Султан Аьбдуралимовлул бусаврийн бувну, МЦУ-рттайн дукIлантIиссар агьалинал хьхьичIун дагьлагьисса захIматшивурттаясса, щаллу буван багьлагьисса масъаларттаясса информация. Ванал мукъурттийн бувну, ЦУР-дал ва МЦУ-рдал дуллалисса даврил чялиш дуккан дувантIиссар «Инцидент Менеджмент» системалулмур давугу. ДакIнийн бутан, ва хъанахъиссар цинявгу соцсетирдая агьалинаясса аьрзарду букIлакIисса система, миннулсса буллалиссар ЦУР-данул зузалтрал.
