Ларгмур шинал декабрьданул 20-нния 27-ннийнин лахъ хьуну бия цаппара ахънилссаннул багьри. ЦIуну хьусса помидордал багьри лахъ хьуну бия 1,7 %, чимусулсса – 1,1%, къурулсса – 0,6%. Амма мура чIумал цIуну хьусса нисвартилул багьри ялавай багьну бия 2,6%, нувщулсса – 1%.
Цайми дукиялул сурсатирттавату ххира хьуну бия гречка 0,7 % , ккунукру – 0,5%, хIуву качар – 0,4%, вермишель – 0,2%, лагаву, барт 0,1%.
Мура чIумал ялавай багьну бия пархтIутIул аьгъушиврул багьа 1%, нисиралсса 0,9%, аьнакIив, маргарин кьюркьуну дия 0,4%.
Дарурттавату ххира хьуну бия цаппара журалулсса (комбинированные) анальгетикру 0,7%.
Дизел ччуччиялул ва бензиндалул багьри гава даражалий ливчIун бия.