Щалвагу билаятрай кунна, Лаккуйгу хьунни щалагу Аьрасатнал лагрулийсса «Библионочь – 2026» акциялул шадлугъру.

Гъумук Центральный библиотекалий хьунни «Халкьуннал цашиву – Аьрасатнал гуж» тIисса батIаву. Ва дачин дурну бия библиотекарь ПатIимат ЛухIуева. Аьрасатнал Халкьуннал цашиврул шинан хас дурсса выставка хIадур дурну дия Диана Гадаевал. Дуклаки оьрчIал хьхьичI махъру лавхъунни 8-мур ва 9-мур классирттал каялувчитал Зумруд Аьбдуллаевнал ва Барижат Оьмариевнал.

ГьунчIукьатIрал шяраваллил библиотекалий хьунни буккултращалсса хьунабакьаву. Шикку хьусса ихтилатругу, ккаккан дуллалисса видеороликругу дия Аьрасатнал Халкьуннал цашиврул шинацIунсса. Буккултрал ккалаккисса назмурдугу дия ваницIунна дархIусса.
ШавкIуллал шяраваллил библиотекалий «Библионочь – 2026» акциялул лагрулий хьунни «Аьрасатнал гуж ванил халкьуннавур» тIисса цIанилусса батIаву.
Библиотекалул хъунмур Фрунзина Кьадиевал хIадур дурну дия Аьрасатнал Халкьуннал цашиврун хас дурсса выставка.

Бадрижамал Аьлиева