Хасъсса аьралий операциялул гьурттучи ЦIуссалакрал райондалиясса Рамазан Далгатовлун дяъвилул иширттаву ккаккан дурсса чувшиврухлу Барчаллагьрал чагъар буллунни Дагъусттаннал Халкьуннал Мажлисрал.
Рамазан увну ур ЦIуссамехельтIиял шяраву. Къуртал бувну бур Финансирттал ва праволул институт. Зий ивкIун ур Национал гвардиялул управлениялул СОБР-ву. Шикку къуллугъ буллалиссаксса хIаллай полициялул хъунама лейтенант Рамазан Далгатовлул ккаккан дурну дур лавайсса даражалул пишакаршиву ва чувшиву. Хасъсса аьралий операциялийгу ва эбратну бартбигьлай ур аьралий бурж. Лайкь хьуну ур личIи-личIисса наградарттан. Утти миннувун ххи хьунни Дагъусттаннал Халкьуннал Мажлисрал председатель Заур Аскандаровлул чулухасса Барчаллагьрал чагъаргу.