Жул ниттирссин, Шахьуйннал шяравасса, Дарбантлив мина дирхьусса ххаллилсса хъамитайпа Къуркъиева ПатIимат Нурулисламлул душнин, ттигъанну хьуссар 90 шин.
Ххирасса ниттирссуй! Барча тIий вихь юбилейгу, чIа учин ччай буру вин цIакьсса цIуллу-сагъшиву ва хъунмасса талихI.
Барчаллагь вин дазу дакъасса хъиншиврухлу ва жун мудангу буллалисса ка-кумаграхлу, чIарав бацIаврихлу. Ина жун анжагъ ниттирссу бакъара, ина жун кIилчинсса нинура.
ДакIний бур, чIивиний жу ссавур дакъа ялугьлай бикIайссияв вищалсса хьунабакьаврих. Жул оьрчIшиврувасса яла чаннами дакIнинбичавурттугу дур ина хIаласса, хаснура вил чIарав гьан дурсса гъинтнил каникуллу. Жул оьрчIшиврувасса гьарцагу тIааьнсса, талихIрайсса суратрайгу ина бура. Мудангу дакIнин дутлай бикIару вил жухарасса аякьа, ина жунма ххуймур, хъинмур лахьхьин буллай бивкIсса куц. Ххирамур, аьзизмур, вин хъунмасса барчаллагь жун пишкаш дурсса талихIиндарайсса шиннардихлу.
Жу хIакьинугу вих мюхтажнувару бусса. Ина чIарав буссаксса жу ттигу-шилагу мюрщи душруру, хIатта ччянива хъуни хьуну бунугу, ниттихъул хьуну бунугу. Жува чув бунугу, ина мудан жул чIаравра бусса. Ина жун хъинну аьркинссара. Ина жул къаттара, жул гъилисса тIювара.
Вил ссил душру
