МахIачкъалалив хьунни Дагъусттаннайн Нацгвардиялул МахIачкъалаллал соединениялул аьралий частирдаву къуллугъ бан бувкIсса ведомствалул аьралий вузирдал выпускниктуращалсса хьунабакьаву. 

Мероприятие дайдирхьунни къуллугърал бурж бартбигьлай жанну дуллусса Росгвардиялул аьралитурансса гьайкалдануцI тIутIив дишаврия. Цаппарасса гьантрай жагьилсса хIаписартуращал дунни аьралуннал ва политикалул, техникалул, ихтиярдал, огневой ва физический хIадуршиннарал занятияртту. Курсантътурал дуллунни циняв дарсирдал зачетру. Мероприятиялул лагрулий опыт бусса хIаписартурал лейтенантътуран къуллугърал ххуллий бучIи лякъинсса мюнпатсса маслихIатру бунни. БатIаврил хIасиллу дуллай, МахIачкъалаллал соединениялул командирнал хъиривчу, подполковник Олег Паклул кIицI лавгунни хIаписартурал хIадуршиннарал лавайсса даража ва барчаллагь увкунни миннал хIарачатрахлу.

Андриана Аьбдуллаева