Зумаритавал байрандалул гьантрай ДР-лул Халкьуннал Мажлисрал председательнал хъиривчу, Дагъусттаннал региондалийсса «Справедливая Россия – За Правду» партиялул отделениялул каялувчи Камил Давдиев, вара партиялул инсантурал ихтиярду дуруччаврил центрданул хъунама Аьлил ХIамзаев, «Илчи» кказитрал корреспондент Имара Саидова бивунни Украиннал аьрщарай хасъсса аьралий операциялий жанну дуллусса ва цIана ва операциялий гьуртту хъанахъисса аьралитурал кулпатирттачIан. Партиялул чулуха дуки-хIа­чIиялийнусса кумаг бунни Хъус­ращиял шяравасса аьралитурал кулпатирттан.

Камил Давдиевлул жанну дуллусса аьралитурал кулпатирттахь цIухху-бусу бунни, цукунсса захIматшивурттащал хьунабакьлай буссарив ва хъуниминнал чулуха ци кумаг аьркинну буссарив.

Партиялул вакилтал мукунма бивунни МахIачкъала, Каспийск шагьрурдай ялапар хъанахъисса аьралитурал кулпатирттачIангу, бувунни вайннангу дуки-хIачIиялийнусса кумаг.
Аьралитурал кулпатирттал гьаз бувсса цинявппа масъалартту дузрайн буккан баврил ялув ацIаву дан цала бакIрайн лавсунни Камил Давдиевлул.
Имара Саидова