Аьпалул ула тIиртIунни

Screenshot

Росгвардиялул Ухссавнил Ккавкказуллал округрал ОМОН-далул базалий хьунни къуллугърал бурж бартбигьлай жанну дуллусса аьралитуран аьпалул ула тIитIлатIисса мажлис.

Шикку гьуртту хьунни бригадалул командир, генерал-майор Дмитрий Чистяков, соединениялул аьралий частирдал командиртал, къуллугърал ветерантал.
– Жула аьралитурал гьар иши­раву ккаккан дурссар цала чувшиву, лайкьну, цаппара иширттаву жандалий хIайп къаувкуну, бартбивгьуссар къуллугърал буржру. Жанну дуллусса жула къучагътал жунма мудан дакIний бикIантIиссар, – увкунни соединениялул командирнал, мажлис тIитIлай.
Мемориалданул ула тIитIин вихшала дунни МахIачкъалаллал соединениялул спецназрал кьюкьлул командир, полковник Юрий Указовлуйн ва соединениялул хасъсса моторизованный полкрал командир, полковник Шамил Ахкубековлуйн. Хъирив, улттуцI тIутIивгу дирхьуну, ливтIуминнал аьпалун минутIрайсса пахъ багьунни.

Андриана Аьбдуллаева