1941 шинал Брест къала буручлачиминнавух бивкIссар 30-нния ливчусса миллатирттал агьлу. Къалалул хъун дакъасса гарнизон цукссагу гуж ххишаласса душманнайн данди бавцIуну бивкIссар. Къала буручлай бивкIминнава так цаппараннаща бювхъуссар душманнал шалклува личин. 1965 шинал 8-мур майрай бувксса СССР-нул Верховный Советрал Президиумрал хIукмулийн бувну, Брестрал къалалун дуллуссар «Къала-виричу» тIисса бусравсса цIа ва мунищала Лениннул орден ва «Мусил цIуку» медаль.
