Щалагу Аьрасатнаву нанисса «ОьрчIру – вирттал» тIисса патриот проектрал лагрулий хъанахъисса VI шадлугърайн
Ухссавнил Ккавкказуллал федерал округрая гьантIиссар Дагъусттаннаясса дуклаки оьрчI Муслим Далгатов.
[dropcap]Н[/dropcap]аградартту дуллалисса церемония хьунтIиссар Аьрасатнал Федерал Мажлисрал Федерациялул Советрай Росгвардиялул кабакьулийну. Шикку наградартту дуллантIиссар нигьачIисса тагьардануву инсантал ххассал бувсса оьрчIан.
Мероприятиялий гьуртту хьунтIиссар Федерациялул Советрал председатель Валентина Матвиенко, Национал гвардиялул каялувчитал, Аьрасатнал ва ЗахIматрал вирттал.
Гьашину, май зуруй, Муслим Далгатовлул, цала оьрмулун нигьачIаву дусса шартIирдай, ххассал увну ур 70 метралул лахъшиврия агьсса цала дус. Халкьуннал цашиврул кьинилуцIун бавхIуну Муслимлун ва укуннасса виричушиву дурсса цаймигу оьрчIан дулунтIиссар жяматийсса наградартту ва бахшишру.
