Июль зурул 6-7-нний Наро-фоминск тIисса Москавуллая арх бакъасса шагьрулий хьунни Аьрасатнал грэпплинграл ва грэпплинг-гилул кубок.
Дагъусттаннал цачIун дур командалувух кубокрай гьуртту хьунни ЦIуссалакрал райондалул 1-мур ДЮСШ-рал спортсмен ХIажиев МахIаммад.
Аьрасатнал грэпплинграл ва грэпплинг-гилул Федерациялул цIусса кьануннайн бувну, ххув хьуминнава язи бувгьунни чIал къавхьуну Италиянал хъуншагьрулий хьунтIисса Европанал чемпионатрай гьуртту хьунтIисса спортсментал.
Аьрасатнал грэпплинграл кубокрай 66 килорал кIушиврийсса спортсментураву цалчинсса кIану бувгьусса МахIаммад кьамул унни Европанал чемпионатрай гьуртту хьунтIисса хьхьичIунминнал спортсментурал кьюкьлувун.
ЧIа учинну МахIаммадлун миккугу тIайлабацIу!
Имара Саидова
