[dropcap]Р[/dropcap]еспубликалул аптекарттай медициналул маскарду дакъар тIий цавай цIуру- кIурулий бунува, чаран лявкъуну цаппара колледжирттаву маскарду дурухлай байбивхьунни.
ЦIуссалакрал райондалул хъунама ХIажи Айдиевлул сипталийну райондалийгу байбивхьунни маскарду дурухлай. Синтетикалулсса дакъагу, кисайлиягу дурухлан бивунни. Ва давугу дуллай бур ЦIуссалакрал шяраваллил администрациялущал уртакьну. Зий бур ххюва группа бувну.
Вайннал ният дур 15 азарда маска дуруххансса. Давривух хIала бувххун зий бур райондалул ва ЦIуссалакрал шяраваллил администрациярдал зузалтгу. Вайннал бувсмунийн бувну, ххюазарда маска дачIинтIий дур райондалул агьалинайх, ацIазарда тIурча тIайладуккантIий бур коронавирусращал талатисса республикалул штабрайн. Учарухха, дазинну зурча, цанмагу хайр, цайминнангу хайр куну. Дазинну зий бур ЦIуссалаккуй цIуну дурксса баласса азарданул маскардал дарзитал бувсса зузалтгу.
П. Рамазанова
