«Хъамаличу барачатссар» тIисса учала бур жула. Хъамаличунал хIурматгу буттал буттахъая шихунмайва бюхттулсса бур.
Лакку билаятрал кьини хъун дан бувкIсса хъамал хIурматрай кьамул буллай бия цаннияр ца буллугъсса ацIния урчIва къуш – гьарца шяраваллин цала цинма-цинма лавхьхьуну сакин бувсса. ХIайран хьуну ия Дагъусттаннал премьер Артем Здуновгу зунттал агьулданул аьчухшиврий, дакI тIитIаврий. Барчаллагьрай ва бисмиллагьрай аглан хъанай ия гьарцагу къушлил хьхьичI.