Апрельданул 18-нний Дагъусттаннал БакIчи Сергей Меликовлул каялувшиврий ххал бивгьунни республикалий туризм лядуккан даврил масъалартту. БатIаврий гьуртту хьуминнал бувсунни туристътал бучIай чIумуйн хIадур шаврия, республикалий дан-дитанмуния, аьркинсса инфраструктура даврия, мукунма туризмалуву муниципалитетирттал бугьлагьисса кIанттул хIакъираву.

Дагъусттаннал БакIчинал тIимунийну, дукIумур шинал хIасиллал чIалачIи дурну дур туризмалул каширду: 2021-ку шинал хIаллихшинну гьарза хьуну дур 76 %, курортирттал хIаллихшинну — 147 %. Республикалийн бувкIун бур 1 миллиондалуха ливчусса туристътал, ягу хьхьичIми шиннардий бувкIминнаяр биялсса гьарзану.

«БучIир учин туризмалул ара хъанай душиву региондалул экономикалул ца драйверну. Гьашину Дагъусттаннайн хъиннува чIявусса туристътал бучIантIий бур», – кунни региондалул каялувчинал. Мунал бувсунни му аралувусса диялдакъашивурттаягу. МуницIун бавхIуну хIадур хъанан аьркиншиву туристътал бучIай чIун хьуннин.
ДР-лул туризмалул ва халкьуннал касмурдал министр Эмин Мердановлул бувсунни туристътурал аралуву яла машгьурми кIанттурдая.
Дагъусттаннал вице-премьер Муслим Телякавовлул бувсунни Дагъусттаннайсса яла хъинми кластердая ва проектирдая.