Хъювхъиял шяраваллил бакIчи Асият Аьлиева бувсса кьини барча дуллай

Асият, жул чIаххувдуш,
Барча ниттил був кьини,
ЦIуллушиву дулуннав,
Оьрму лахъи буваннав.

Буттал кIану ххирасса,
Къирият виву дусса,
Ас-намусрал бувччусса,
Агь чумартсса лакку душ.

Мюрщи-хъуними кIулсса,
БавцIуний ша куклусса,
Увкуний махъ бусравсса,
БакIуй махIлалул ххуй душ.

Щарнил бакIгу дургьуну,
Бачинна тIий бувкIунна,
Щар тIутIайх дичин дансса
Каши-кьудрат дулуннав!

Вила оьрмугу ина
ДахIалай чинну бувтссар.
Вихьхьун тавпикь дулуннав
ЛивчIмур оьрмугу бутан…

Му вила арснаягу
Вил арула изаннав,
Миннал ххари-ххуй буллай,
Тирхандарайн букканнав.

Софият М.К.,
ш. Хъювхъи