[dropcap]Ф[/dropcap]евраль зурул 3-нний цIуминалийсса ЦIуссалакрал шяравусса дзюдорал ва гимнастикалул спортзалдануву хьунни ЦIуссалакрал 1-мур ДЮСШ-рал спортсментурал дянивсса акробатикалул турнир.
Шикку гьуртту хьунни опыт бусса тренер-муаьллим ХIусайнова Анисатлул ЦIуссаккуллал ва Чапаевкаллал спортшколарттай хIадур бувсса оьрчIру ва душру. Гьашину акробатикалул турнирданий цалчин гьуртту хьунни ЦIуссалакрал спортшколалул тренер КьурбанмахIаммадова Зуйлишаннул вардиш бувсса оьрчIругу.
ЧIава спортсментуран тIайлабацIу чIа тIутIисса ихтилатру бувна ЦIуссалакрал райондалул бакIчи ХIажи Айдиевлул ва ванал хъиривчу ХIажи ХIажиевлул.
Бяст-ччаллаву гьуртту хьусса ва ххув хьусса оьрчIан буллунни ЦIуссалакрал райондалул администрациялул чулухасса кубокру, дипломру ва цаймигу бахшишру.
Нитти-буттал комитетрал ва жяматрал барчаллагь баян бунни акробатикалул спортрацIун кабакьу баврин 100 азарда къуруш дулун махъ буллусса ЦIуссалакрал райондалул бакIчи ХIажи Айдиевлухь.
ХIадур бувссар
Имара Саидовал