Ххирасса «Илчилул» зузалт ва буккулт!
Кьамул бувара зул кказитрал ххаллилсса юбилейращал барча буллалисса ттул чулухасса дакIнийхтунусса махъру! Зул миллатрал кказитрал хъунмур мяъна-мурад — информация зучIан биян баву бакъарча, зул миллат щаллушиврул лишансса, «визитная карточка» кунмасса мурад бушивури.
Мукъурттийну бувчIин бан захIмат хьунссар, цуксса бахтти-талихIран ккаллисса затрив цумур-цагу миллатрал цилва ниттил мазрайсса кказит бушиву. Кказитрал кIунттихь дуссар зул мазрал ляличIишиву ва лакрал культура, аьдат-эбадатру дуруччаврил гуж. Ттун, лингвист хIисаврай, хъинну хъунмасса гъира бур зул маз ххалбигьлан, хъирив лаллан. Ва цимигу шинни на «Илчи» кказитрал журналист Залму АьбдурахIмановащал цачIу зий. МунийхчIин бура, цуксса ттунма захIматнугу, зул авадансса ва нацIусса, нахIусса лакку мазрая кици ласлай. Ттул хъунмасса умудгу бур нава буллалисса захIмат дузрайн бувккун, шийх, чил билаятрал лингвистътурал дяниву, лакку маз ххалбигьаврих гъира бутан бюхъантIишиврийн. Хъинну ччива навагу гьурттуну зул кказитрал юбилейрал шадлугърай ва хъиннува ччива зул миллат яхъанахъисса Лакку кIанайнгу биян!
Цал ттигу кьамул дувара ттул чулухасса барча баву! ЧIа тIий бура зун давриву тIайлабацIу ва кказит цала тIювайн бучIан буллай, муних мякьсса буккултрал сияхI хъунна шаву!
Нина Радкевич,
Англиянал Йорк шагьрулул университетрал элмийсса пишакар, философиялул доктор
