[dropcap]Л[/dropcap]акрал райондалул администрациялул жагьилтуращалсса даврил, спортрал ва туризмалул отделданул, КIулшиву дулаврил управлениялущал цачIуну Аьрасатнал МВД-лул «Лакский» МО-лул хIаятраву дунни аьпалул линейка.
Зулайхат Тахакьаева
[dropcap]М[/dropcap]уний гьуртту хьунни райондалул администрациялул бакIчинал хъиривчу Абакар Къюннуев, терроризмалущал ва экстремизмалущал талатаврил отделданул каялувчи МахIаммад Гадаев, КIулшиву дулаврил управлениялул каялувчи Явсупа ХIамзаев, жагьилтуращалсса даврил, спортрал ва туризмалул отделданул каялувчи Малик ХIусманов, полицалул зузалт ва дуклаки оьрчIру.
Гъумучиял школалул лавайми классирттал дуклаки оьрчIал, Аьпалул кьинилун хас дурсса назмурдугу дурккуну, къуллугърал бурж биттур буллай оьрмурдацIа хьусса полицалул зузалтрал гьайкалданучIа дирхьуна тIутIив.
