Цаппарасса шиннардил хьхьичIва буллай байбивхьуну, бачIиннийн бивну буссия Ваччату Ккул-Хъусрал чулинмай нанисса ххуллийсса, ганиннин багьну бивкIсса ламу.
Вана утти, август зуруя шинмай, ва ламу буллай бур. Уттигъанну ттула даврил аьрххилий Ккулув лавгун унува, ва ламу буллалисса кIанттай аглан хьуну, давурттай каялувшиву дуллалисса Ибрагьимов Расуллущал кутIасса ихтилат бувссия на. Ванал бувсуна ттухь укунсса затру:
— Ва ламу буллай байбивхьуну буссия 2015-ку шиналва. Амма, личIи-личIисса багьантту хъанай, давуртту дацIан дан багьуна. Ламу буллалисса идаралийн 000 «Мостострой» учайссар.
Ванил хъунаману ур Бугунов Ися. Шикку ур 12 зузала. Бур автокран, миксер, кран ва аьркинсса техника. Зузи бригадалул хъунаману ур МахIаммадхIабибов МахIаммад. Ва цувагу Аьрасатнал цIанин лайкь хьусса строителли.
ХIажимурад ХIусайнов
