[dropcap]К[/dropcap]ъазаннай август зурул 22-27-нний хьусса WorldSkills дунияллул халкьуннал пишардал магьиршиву ккаккан дуллалисса чемпионатрай гьуртту хьунни 63 билаятраясса 1300 пишакар.

Имара Саидова
Ва чемпионатрай 56 жура­сса пишардал усттаршиву кка­ккан дунни Аьрасатнавасса 18-25 шинавусса оьрмулул 63 конкурсантнал, миннава – 14 душнил ва 49 оьрчIал.

Вай бяст-ччаллаву Да­гъусттаннал чулуха гьуртту хьу­сса «Ростелеком» компаниялул инженер Александр Макарычевлул «Машинное обучение и большие данные» тIисса компетенциялий ларсунни чарвитул медаль.