[dropcap]Ф[/dropcap]евраль зурул 15-16-нний Каспийск шагьрулий хьусса каратэлул чемпионатрай гьуртту хьуну,
ирглийсса ххувшавурттащал зана хьунни ЦIуссалакрал райондалийсса цIанихсса ТIюхчардал «ИППОН» клубрал спортсментал.
Имара Саидова
Ва чемпионатрай гьуртту хьунсса спортсментал бувцуну увкIун ия ЦIуссалакрал райондалул I-мур ДЮСШ-рал тренер-преподаватель ХIаммадов Руслан. Ва ххуллухсса бяст-ччаллавугу ванал хIадур увсса ацIагу спортсменнал бувгьунни хьхьичIунсса кIанттурду. Сайпуллаев Астемирдул, Оьмариев Шамиллул, Кьурбанов АхIмадлул, АьбдурахIманов Ванатил ва Кьурбанов Сабирдул бувгьунни цалчинсса кIанттурду.
Ссамадов Артурдул, Табиев Адамлул, Давдиев Шяъваннул бувгьунни кIилчинсса кIанттурду. Давидов ХIабибуллагьлул ва Буттаев Хизрил бувгьунни шамилчинсса кIанттурду. Вайннава 8 каратист кьамул унни апрель зуруй Орел шагьрулий хьунтIисса Аьрасатнал каратэлул первенствалий гьуртту хьунтIисса Дагъусттаннал цачIун дур командалувун.
ЧIа тIий буру вайннан Аьрасатнал чемпионатрайгу тIалабацIуртту.
