Дагъусттан Республикалул БакIчинал буржру чIумуйну биттур буллалисса Сергей Меликовлул Дагъусттан Республикалул культуралул министр Зарема Буттаеван дуллунни «За вклад в социально-экономическое развитие Республики Дагестан» тIисса медаль. Ва награда дулавугу хьунни Дагъусттан Республикалий цIусса коронавирусрал инфекция ппив хьун къаритаврил Оператив штабрал батIаврий.
– Ттун ччай бур Зарема Ажуевнахь барчаллагь учин чIярусса шиннардил мутталий дуллалисса, жулла республикалун дакъа чара бакъасса, жулла культуралул ляличIишиву чIалачIи дуллалисса давурттахлу, – увкуна БакIчинал.
Гихунмайсса ихтилатравугу мунал чIурчIав дурунни Дагъусттан Республикалул Культуралул министерствалул дуллалисса агьамсса давурттай, кIицI лавгунни хасну мунил хIарачатрайн бувнугу хьушиву Аьрасатнал Президентнайн 2023 шин Расул ХIамзатовлул Шинну баян бувансса тавакъюращал буккан.
