Муршидлул арс АхIмадов АьвдулхIалин
Цаппара хIаллай къашавайгу ивкIун, аьпалул хьунни уздансса зунтталчу, нахIу-хIалимсса дакIнил заллу, жяматрал дянив бусравсса инсан, ЧIяйннал шяравасса АхIмадов АьвдулхIалин Муршидлул арс.

Увну ур АьвдулхIалин ЧIяй­ннал шяраву1948-ку шинал. ЧIяйннал дянивмур даражалул школагу къуртал бувну, аьралий буржгу лавхъун, дуклан увххун ур Дагъусттаннал шяраваллил хозяйствалул техникумравун. ХьхьичIунсса ккаккиярттай техникумгу къуртал бувну, зоотехникнал пишагу лавхьхьуну, зана хьуну ур буттал шяравун. 1976-ку шиная шийнай зий ивкIун ур колхозраву – цал зоотехникну, хъиривсса шиннардий — МТФ-лул бригадирну.
Ванал каялувшиву дуллалисса МТФ даимангу дикIайссия райондалул ХIурматрал улттуй.
ЧIярусса шиннардий бивхьу­сса захIматрахлу ва ккаккиярттахлу ванал, хIалал дурссар райондалул ва республикалул чулухасса хIурматрал грамотартту ва бахшишру.
Цала оьрмулул дус Марияннущал, ванал тарбиягу бувну, чивун буккан бувссар кIия арс ва кIива душ.
ЗахIматрая хIучI къаучай­сса зунтталчу АьвдулхIалиннун ххирассия зунттурду, цала жямат, шяраву хъанахъисса гьарца иширавух хIала уххайссия, гьарцаннал чIарав ацIайссия. Хъунама уссу хIисаврай, муданагу цала уссу-ссурваврал чул бищай къалану уссия.
Ялун дирсса хъуннасса кьур­чIишивугу кIидачIлай, жижара буллай буру АьвдулхIалиннул кулпатрахь Марияннухь, арсурваврахь – Мюрщихь ва Шамиллухь, душваврахь – Саидахь ва Наидахь, уссурваврахь, ссихь, цинявппагу мачча-гъанминнахь.
АьвдулхIалиннул рухI бигьаний дишиннав, аьпа баннав, ванан къабуллусса оьрму махъминнан ххи баннав, алжаннул ххари аннав. Амин.
ЧIяйннал жямат

---

Зевххунна ина жуща
Душнин Басиратлун
Вила хъирив циняв
хъювхъутIи бувну,
Кьабитансса кьисмат
вин нясив хьунни.
Вил аьзиз арснацIун,
ххира душницIун
Вилцириннал дакIру
ятинтал хьунни.

Басират, вин кIула
ччаву ядуван,
Вил симандалия
пиш чан къашайва.
Му рахIму бакъасса
цIуцIаврил ина,
Хъап куну, жул хьхьичIа лавсун лавгунна.

Ттул ххира Басират,
бабал ххазинай,
На вичIан бучIара
зунзулчаннащал:
Чарийхгу ках куну,
макьгу лирхьуну,
Тинайсса вил буттайн
шикаят бара.

БакIрацIгу щябивкIун,
дакIгу дарчIуну,
Виясса хаварду циняв бусара.
КIира шин ларгнугу ина бакъану,
ДакIницIух ларчIсса цIу
хьхьара къархьунни.
Вих аьтIийннасса нину
Жалилат

---

МахIаммадлул душ ХIусманова Сагъират
Вай гьантрай дунияллия лавгунни захIматрал ветеран, дакI-аьмал ххуйсса, гьарцагу кIулначIа хIурмат бусса, ас-намусрал бувччусса хъамитайпа, 1-мур ЦIувкIратусса МахIаммадлул душ ХIусманова Сагъират.
Бувссар ва ЦIувкIрав, сайки щалва оьрмугу гьан бувссар, лас КьурбанмахIаммалущал хъар дургьуну, колхозраву зий, захIмат буллай. Ччянива ласгу дунияллия лавгун, яхIлий ххюва оьрчIгу, ччаннай бацIан бувну, чивун буккан бувссар ванил. Махъ ппурттуву МахIачкъалалив бивзун, наслулущал яхъанай бу­ссия.
Сагъират бия гьарцаннал хьхьичI дакI тIиртIусса, бухху-букку, хъамал ххирасса, хIал бавкьусса, хасият иминсса хъамитайпа. МаслихIат цIуххин, бувсмуних вичIи дишин ваничIан буххайссия шяраваллил агьлу.
Сагъират дунияллия лагаврил кьурчIишиву кIидачIлай, жижара буллай буру ванил арсурваврахь, душваврахь, наслулухь, ссихь, гъанцириннахь. Цув алжаннул ххари баннав, рухI бигьаний дишиннав! Махънал оьр­мурдай барачат бишиннав!
1-мур ЦIувкIуллал жямат