ТIутIив жура хIисав дару, тIабиаьтрал арнил тIутIив дикIу, инсаннал гьанна бувгьуну хьун дурми дикIу, жула дакIурдил макьу ххуй дувайсса ишаралун. ТIутIай зиярат буллалийни, буруккинтту арх хьуну, дакI паракьатну дикIай.

Уттигъанну мартрал дайдихьулий Лакрал райондалул культуралул зузалт бувкIун бия Ккуллал райондалул хъаннил кьини ва интнил барз барча бан.

[dropcap]М[/dropcap]иккува пикригу багьуна укунсса байраннал кьинирдал хьхьичI тIутIив дахлай дикIан багьлай бушиву. Къавхьуна хъамал ххари бан тIутIал кацI булун. Бакъаривла хIисав дан багьлагьисса иш?
Вай тIутIив аьркинсса байранну ялагу шайхха цайми-цаймигу. ТIайлар, май зурул ахирданий зунттавусса лухччай хъя тIун дикIай тIутIив. Мигу, сентябрь барз бучIайхту, инсантал цулун буккайхту, кьакьай.

ХьхьичIава районнал администрациярттай бикIайссия шяраваллавусса дахху-ласулул ялув бавцIусса комитетру. Утти ми бушиву къакIулли. Мунияту, ттул пикрилий, байраннал кьинирдал хьхьичI администрациялул ттучаннал заллухъруннахь бучIия маслихIат баван тIутIив тIалав дурну, даххан дишаван. Гьай-гьай, цанма хайрну. Байраннай къадарххуну лирчIсса тIутIив идарарттал цала кабинетирттаву дишингу ласунссия. ТIутIив дахлахинахь барчаллагьгу учинссия чIявусса инсантурал.

ХIажимурад ХIусайнов