Апрель зурул 12-нний ЦIуминалиймур ЦIуссаккуллал школалийгу хьунни Космонавтикалул кьинилун хас дурсса мероприятияртту.
Байбихьулул классирттаву «Космос – жувару» тIисса цIанилу Гагариннул дарсру дирхьунни.
Цалчинсса космонавт Юрий Гагариннул оьрмулия гьарза-гьартану бувсунни дуклаки оьрчIал, бувсунни мукунма аьрасатнал космонавтикалул хьхьичIуннайшивурттая ва цIушиннардая. Лакку мазрал ва литературалул учительница А. Рамазановал 4 в классраву дирхьунни «Лакрал икартал» тIисса тIиртIусса дарс, Муса Маннаровлул ва АхIмад-Хан Султаннул оьрмурдая бусласисса. Шамилчинмур классрал учительница МахIаммадова Жамилал тIурча, спектакль хIисаврайсса дарс дирхьунни, чIава космонавтътурал лаххияра хIадур дурну. Ванил бувсунни вай лаххия хIадур дувангу, кабинет чIюлу бувангу кумаг бувшиву оьрчIал нитти-буттал.
П. Рамазанова
